• Flexa

តើ នាវាចម្បាំង​របស់​ចក្រ​ភព​អង់គ្លេស អាច​នឹង​បំភ័យ​ចិន​បានដែរ​ឫ​ទេ ?

5 ថ្ងៃ កន្លងទៅ DNT-NEWS

​នាវាចម្បាំង​របស់​ចក្រ​ភព​អង់គ្លេស​ចាកចេញ​ពី​ប្រទេស​អូស្ត្រាលី ហើយ​ចូលដល់​តំបន់​មាន​ជម្លោះ​នៅ​សមុទ្រ​ចិន​ខាងត្បូង​នៅ​ខែ​ក្រោយនេះ ជា​ផ្នែក​មួយ​នៃ​ការបង្ហាញ​ពី​សេរីភាព​នៃ​ការធ្វើ​នាវាចរណ៍​លើផ្លូវ​ទឹក​សំខាន់​មួយ​នេះ​។​

​ចិន​បាន​អះអាងថា ផ្នែក​ជាច្រើន រួមទាំង​ថ្ម​ប៉ប្រាស់​ទឹក កម្រង​កោះ​តូចៗ នៅក្នុង​សមុទ្រ​ចិន​ខាងត្បូង​គឺជា​កម្មសិទ្ធិ​របស់ខ្លួន​ហើយ ពេលនេះ​កំពុង​តែមាន​ការកសាង​មូលដ្ឋានទ័ព​នៅ​ទីនោះ ដែល​អាចជា​ការគំរាមកំហែង​ដល់​ប្រទេស​តូច​ផ្សេងៗ​ទៀត​ដែល​កំពុងមាន​ជម្លោះ​នៅ​តំបន់​នេះ​។​

​ជាក់ស្ដែង​ណាស់​យើង​បានដឹង​បានលឺ​ហើយ​ថា ដែនសមុទ្រ​ចិន​ខាងត្បូង​ជា​ដែន​កំពុងមាន​ជម្លោះ រវាង​ចិន​ជាមួយ​ភាគី​ហ្វីលីពីន វៀតណាម ម៉ាឡេស៊ី ព្រុយ​ណេ​និង​តៃវ៉ាន់​។ ប្រទេស​ទាំងនេះ​បាន​អះអាង​កាន់កាប់​នៅ​ដែនសមុទ្រ​ចិន​ខាងត្បូង​រៀងៗ​ខ្លួន​។ ដ្បិត​ស្ងប់ស្ងាត់​មួយ​រយៈពេល​ចុងក្រោយ ប៉ុន្ដែ​ជម្លោះ​នៅ​មិនទាន់​ដោះស្រាយ​បានទេ​។​

​នៅ​ថ្ងៃទី​១៣​កុម្ភៈ​នេះ​មន្ដ្រីជាន់ខ្ពស់​អង់គ្លេស​បានបញ្ជាក់​ថា នាវាចម្បាំង​អង់គ្លេស​នឹងធ្វើ​ដំណើរ​ពី​អូស្ដ្រាលី​ឆ្លងកាត់​ដែនសមុទ្រ​ចិន​ខាងត្បូង​នៅ​ខែក្រោយ​។ ដំណឹង​នេះ​ប្រហែលជា​ធ្វើ​ឲ្យ​ចិន​ខ្វល់​ចិ​ត្ដ​បន្ថែមទៀត​។ ការឆ្លងកាត់​ដែនសមុទ្រ​ចិន​ខាងត្បូង ដើម្បី​ធានា​ពី​សិទ្ធិសេរីភាព​ក្នុងការ​ធ្វើ​នាវាចរណ៍​។ រដ្ឋមន្ដ្រី​ការពារជាតិ​អង់គ្លេស​លោក​Gavin Williamson​បាន​និយាយថា នាវា​HMS Sutherland​នឹង​មកដល់​អូស្ដ្រាលី​ក្នុង​សប្ដាហ៍​នេះហើយ​។​

​លោក​រដ្ឋមន្ដ្រី​មិនបាន​បញ្ជាក់ថា នាវា​HMS Sutherland​នឹងធ្វើ​ដំណើរ​ក្នុង​ចម្ងាយ​ប៉ុន្មាន​គីឡូម៉ែត្រ​ពី​ដែន​កោះ​ជម្លោះ​ឬ​កោះ​សិប្បនិម្មិត​ដែល​ចិន​សាងសង់​ទេ​។ លោ​កថា​អង់គ្លេស​គាំទ្រ​ពេញទំហឹង​ចំពោះ​វិធីសាស្ដ្រ​របស់​អាមេរិក និង​អ្វីដែល​អាមេរិក​កំពុង​ធ្វើ​។ សូមបញ្ជាក់ថា អាមេរិក​មិនបាន​គោរព​ការអះអាង​កាន់កាប់​ដែនសមុទ្រ​ចិន​ខាងត្បូង​របស់​ចិន​ឡើយ​៕

សុខភាព/បុរស/ស្ត្រី